Душпастыры Горадні павіншавалі настаўнікаў
Сумеснае віншаваньне гарадзенскім настаўнікам з іх прафесійным сьвятам склалі хрысьціяне розных канфесіяў гораду. У Дзень настаўніка група сьвятароў Рыма-Каталіцкай і Грэка-Каталіцкай Цэркваў, пастараў Аб’яднанай Царквы хрысьціянаў веры евангельскай і Абшчынаў хрысьціянаў поўнага Евангельля павіншавала прадстаўнікоў працоўных калектываў больш за трыццаці школаў Горадні, а таксама некалькіх сьпецыялізаваных навучальных установаў. Зважаючы на вялікую ролю настаўніка ў выхаваньні маладога пакаленьня беларусаў, кожная школа атрымала ў падарунак Біблію ды адмыслова падрыхтаваную паштоўку-віншаваньне для настаўніцкага калектыву з словамі з Кнігі Прыпавесьцяў: “Наставі юнака на пачатку шляху яго: ён ня збочыць з яго, калі і састарыцца” (Прып 22, 6). У большасьці школаў са зьдзіўленьнем, але адначасова й радасьцю прымалі такое экуменічнае хрысьціянскае віншаваньне.
Ідэя гэтай сумеснай хрысьціянскай акцыі нарадзілася падчас міжканфесійных малітоўных сустрэчаў, якія адбываюцца ў Горадні ўжо напрацягу амаль году.
Слова Апостальскага Візітатара БГКЦ на завяршэньне XIII штогадовай Пілігрымкі беларускіх грэка-католікаўПолацак, 15 ліпеня 2007 г. Дарагія браты і сёстры! 1. Вялікі дзякуй кожнаму з вас, хто сёньня прыйшоў сюды “разам праслаўляць Госпада”. Дзякуй тым з вас, хто ў мінулыя дні ахвярна прайшоў шлях ХІІІ Пілігрымкі беларускіх ...
Біблія ў жыцьці семінарыстаБіблія – кніга, якая апісвае гісторыю збаўленьня чалавека, пачынаючы са страты раю першымі людзьмі да моманту эсхаталагічнага выкананьня Божага плану ў Новым Ерусаліме. Гэта і нарматыўны дакумент, у якім апісваюцца ...
Вечная памяць!З матэрыялаў газеты беларусаў у вольным сьвеце “Беларус” даведаліся, што сёлета адыйшлі ў вечнасьць некалькі беларускіх дзеячаў нашай дыяспары, якія, не зважаючы на неспрыяльныя абставіны, праз дзесяцігоддзі ...
Мenologion — каляндар літургічнага ўспаміну сьвятых Усходняй ЦарквыПарафія сьв. Мікіты ў Кастамлотах – адзіная на Падляшшы каталіцкая парафія візантыйскага абраду, якая ацалела пасьля Другой усясьветнай вайны ў Польшчы – выпусьціла ў сьвет Menologion, што значыць – «Месяцаслоў». ...
Гудагай. Мiласэрны позiрк МарыiЁсьць недалёка ад Астраўца, што каля летувіскай мяжы, невялiкае мястэчка Гудагай. Ад iншых беларускіх мястэчак яно адрозьнiваецца тым, што тут ужо не адно стагоддзе адбываюцца цуды, цуды якiя зьвязаны з абразом ...
