Праблемы ўрачэбнай этыкі ў сучасным сьвеце

Па блаславеньні ардынарыя Віцебскай рыма-каталіцкай дыяцэзіі біскупа Ўладзіслава Бліна 2 чэрвеня 2007 году ў Віцебскім дзяржаўным медыцынскім універсітэце была арганізавана чарговая (ужо трэцяя) Міжнародная медыцынская канферэнцыя на тэму “Праблемы ўрачэбнай этыкі ў сучасным сьвеце”.

Ініцыятарамі гэтай, як і папярэдніх канферэнцыяў зьяўляюцца: Віцебскі дзяржаўны медыцынскі ўніверсітэт,

Віцебская рыма-каталіцкая дыяцэзія ды Аддзел па справах рэлігій і нацыянальнасьцяў Віцебскага аблвыканкаму.
Гэтая міжнародная сустрэча ізноў сабрала для абмеркаваньня надзённых пытаньняў урачэбнай этыкі ня толькі ўрачоў-хрысьціянаў, але і прадстаўнікоў Царквы, уладаў, дыпламатычнага корпусу, а таксама і ўсіх тых людзей добрай волі, якім неабыякава падобная тэматыка. Праблемы біяэтыкі ў сучаснай медыцыне, алкагалізму, наркаманіі, духоўныя асьпекты барацьбы супраць абортаў і эўтаназіі, дэмаграфічныя праблемы зьяўляюцца актуальнымі ў сучасным сьвеце ва ўсіх краінах незалежна ад узроўню духоўнага развіцьця, канфесійнай прыналежнасьці насельніцтва, палітычных або эканамічных умоваў.

Адметнасьцю сёлетняй канферэнцыі стаў філасофска-тэалагічны даклад “Фундаметальныя асновы этыкі біялагічных дасьледаваньняў – мета-біяэтыкі” Яго Эмінэнцыі кардынала Хаўера Лазана Баррагана з Ватыкану, які зьяўляецца Старшынёй Папскай Рады па справах медыцынскіх працаўнікоў (па душпастырстве ў сфере аховы здароўя). Кардынал Баррагана ў сваім дакладзе паказаў гісторыю разьвіцьця і сучасныя філасофска-этычныя кірункі біяэтыкі, а таксама прынцыпы каталіцкай этыкі біялагічных дасьледаваньняў. Вельмі актуальным быў даклад прафесара Віцебскага дзяржаўнага медыцынскага ўніверсітэту сп. В.Глушанко пра дэмаграфічную сітуацыю і прычыны сьмяротнасьці насельніцтва ў Беларусі. Пададзеная ім інфармацыя выклікае непакой.

У сёлетняй канферэнцыі прымалі ўдзел таксама і прадстаўнікі Беларускай Грэка-Каталіцкай Царквы на чале з Апостальскім Візітатарам для грэка-католікаў Беларусі архімандрытам Сяргеем (Гаекам): парах віцебскай парафіі а. Зьміцер Грышан, а. Аляксандр Шаўцоў з Горадні і Яўген Андросік з Менску.
а. Аляксандр Шаўцоў, г.Горадня

Еще из этой рубрики:

Вечная памяць!

З матэрыялаў газеты беларусаў у вольным сьвеце “Беларус” даведаліся, што сёлета адыйшлі ў вечнасьць некалькі беларускіх дзеячаў нашай дыяспары, якія, не зважаючы на неспрыяльныя абставіны, праз дзесяцігоддзі ...

Слова Апостальскага Візітатара БГКЦ на завяршэньне XIII штогадовай Пілігрымкі беларускіх грэка-католікаў

Полацак, 15 ліпеня 2007 г. Дарагія браты і сёстры! 1. Вялікі дзякуй кожнаму з вас, хто сёньня прыйшоў сюды “разам праслаўляць Госпада”. Дзякуй тым з вас, хто ў мінулыя дні ахвярна прайшоў шлях ХІІІ Пілігрымкі беларускіх ...

Гудагай. Мiласэрны позiрк Марыi

Ёсьць недалёка ад Астраўца, што каля летувіскай мяжы, невялiкае мястэчка Гудагай. Ад iншых беларускіх мястэчак яно адрозьнiваецца тым, што тут ужо не адно стагоддзе адбываюцца цуды, цуды якiя зьвязаны з абразом ...

Мenologion — каляндар літургічнага ўспаміну сьвятых Усходняй Царквы

Парафія сьв. Мікіты ў Кастамлотах – адзіная на Падляшшы каталіцкая парафія візантыйскага абраду, якая ацалела пасьля Другой усясьветнай вайны ў Польшчы – выпусьціла ў сьвет Menologion, што значыць – «Месяцаслоў». ...

Грэка-каталіцкі сьвятар упершыню высьвячаны ў Беларусі

Дзень 17 чэрвеня 2007 году ўвайшоў у гісторыю Беларускай Грэка-Каталіцкай Царквы: пасьля больш чым 150-гадовага перапынку на беларскай зямлі быў высьвячаны грэка-каталіцкі сьвятар. Дагэтуль рукапакладаньне сьвятароў ...