«Еднасьць Касьцёлу – гэта заданьне, якое трэба рашаць штодзённа, дзень за днём»
Прывітальнае Слова Апостальскага Нунцыя ў Беларусі
на ўрачыстасьці ў Гудагаі
Дарагія браты і сёстры!
1. Вы толькі што выслухалі Пасланьне, якое я даслаў да ўдзельнікаў XIII штогадовай Пілігрымкі вернікаў візантыйскага абраду ў Беларусі, што сёньня заканчваецца ў Полацку. Я хацеў, каб гэтае Пасланьне было зачытана таксама і тут, у Гудагаі, каб падкрэсьліць, што размова ідзе пра адзін адзіны Народ Божы, сабраны Хрыстом – гэта значыць пра адзіны, сьвяты, каталіцкі і апостальскі Касьцёл гэтай дарагой Краіны. Гэта адказ на гарачую малітву Ісуса на Апошняй Вячэры, малітву аб еднасьці ягоных вучняў (пар. Ян 17, 21). Мы пакліканыя маліцца няспынна за такую еднасьць і абавязаныя канкрэтна дзейнічаць дзеля яе. Нас ня могуць не кранаць словы і зьмест узгаданай вышэй малітвы нашага Госпада і Пана Ісуса Хрыста. Еднасьць Касьцёлу – гэта заданьне, якое трэба рашаць штодзённа, дзень за днём. Яна выяўляе, на колькі мы зьяўляемся аўтэнтычнымі вучнямі Хрыста.
2. Сардэчна вітаю ўсіх і кожнага з вас, як рымскага ці лацінскага абраду, так і візантыйскага ці грэцкага абраду.
Вітаю таксама ўсіх жыхароў Гудагая, Гарадзенскай вобласьці і Астравецкага раёну. Вітаю ўсіх католікаў і праваслаўных.
З павагай вітаю ўсе грамадзянскія ўлады Гудагая, як і ўсёй Гарадзенскай вобласьці і Астравецкага раёну. Мае дарагія, няхай на жыцьцёвым шляху ўсім вам і вашым сем’ям дапамагае магутнае заступніцтва Найсьвяцейшай Дзевы Марыі, Маці Божай Гудагайскай.
3. Я хацеў бы прывітаць нашых гасьцей, што прыбылі з блізкай Польшчы і блізкай Літвы, каб разам з намі скласьці пашану Маці Божай.
Сардэчна дзякую за ўвагу. Да пабачэньня. З Богам!
Гудагай. Мiласэрны позiрк МарыiЁсьць недалёка ад Астраўца, што каля летувіскай мяжы, невялiкае мястэчка Гудагай. Ад iншых беларускіх мястэчак яно адрозьнiваецца тым, што тут ужо не адно стагоддзе адбываюцца цуды, цуды якiя зьвязаны з абразом ...
Слова Апостальскага Візітатара БГКЦ на завяршэньне XIII штогадовай Пілігрымкі беларускіх грэка-католікаўПолацак, 15 ліпеня 2007 г. Дарагія браты і сёстры! 1. Вялікі дзякуй кожнаму з вас, хто сёньня прыйшоў сюды “разам праслаўляць Госпада”. Дзякуй тым з вас, хто ў мінулыя дні ахвярна прайшоў шлях ХІІІ Пілігрымкі беларускіх ...
Мenologion — каляндар літургічнага ўспаміну сьвятых Усходняй ЦарквыПарафія сьв. Мікіты ў Кастамлотах – адзіная на Падляшшы каталіцкая парафія візантыйскага абраду, якая ацалела пасьля Другой усясьветнай вайны ў Польшчы – выпусьціла ў сьвет Menologion, што значыць – «Месяцаслоў». ...
Пасланьне Апостальскага Нунцыя ў Беларусі архібіскупа Марціна Відавіча да ўдзельнікаў XIII штогадовай Пілігрымкі вернікаў візантыйскага абраду ў БеларусіВіцебск – Полацак, 11-15 ліпеня 2007 г. Дарагія браты і сёстры! «Ласка Госпада нашага Ісуса Хрыста, любоў Бога Айца і супольнасьць Сьвятога Духа хай будуць з усімі вамі» (2 Кар 13, 13). 1. З глыбіні сэрца вітаю вас усіх ...
Сібіу: некалькі акцэнтаў ІІІ Еўрапейскай Экуменічнай АсамблеіЗ 4 па 9 верасьня 2007 году ў горадзе Сібіу (Германштадт) ў Румыніі адбылася ІІІ Еўрапейская Экуменічная Асамблея (ЕЭА). Яе дэвізам сталі словы: “Сьвятло Хрыста прасьвятляе ўсіх – надзея на абнаўленьне і еднасьць ...
