Хрысьціянскі форум моладзі ў Кіеве

19 жніўня 2007 году ў Кіеве, у дзень сьвята Перамяненьня Гасподняга паводле старога стылю, шматлюднай архірэйскай Боскай Літургіяй завершыў сваю працу Хрысьціянскі форум і IV сесія Патрыяршага сабору УГКЦ на тэму: “Моладзь у Царкве трэцяга тысячагоддзя”.

10 тысячаў маладых людзей – удзельнікаў форуму – распачалі дзень з сьвяточнай Ютрані, да якіх на Боскай Літургіі далучылася яшчэ некалькі тысячаў вернікаў УГКЦ з парафіяў Кіева і вобласьці. Урачыстую Літургію ўзначальваў Першаярарх УГКЦ кардынал Любамір Гузар, з якім саслужылі адзінаццаць біскупаў і каля сотні сьвятароў.

У сваім казаньні Ўладыка Гузар заахвочваў моладзь тварыць добрыя справы, бо, паводле словаў украінскага першаярарха, яны ёсьць тым крытэрам, паводле якога Госпад будзе ацэньваць нашае жыцьцё. “Важнае ня тое, кім мы ёсьць – біскупамі, сьвятарамі, манахамі ці сьвецкімі, а тое, колькі дабра мы зрабілі для нашых бліжніх”,– падкрэсьліў Зьверхнік УГКЦ. Яго Блаславенства кардынал Гузар шчыра падзякаваў украінскай моладзі, што сабралася на хрысьціянскі форум на берагах Дняпра, за іх актыўнасьць і клопат пра будучыню Царквы.

Хрысьціянскі форум у Кіеве стаў сьвятам веры, падзеяй, якая прадэманстравала, што малады чалавек, які верыць у Бога, сапраўды зьяўляецца зарукаю лепшае будучыні Царквы і дзяржавы.

Форум меў экуменічны характар, у ім бралі ўдзел таксама і групы праваслаўнай моладзі, аднак афіцыйнай групы УПЦ Маскоўскага Патрыярхату не было.

Еще из этой рубрики:

Гудагай. Мiласэрны позiрк Марыi

Ёсьць недалёка ад Астраўца, што каля летувіскай мяжы, невялiкае мястэчка Гудагай. Ад iншых беларускіх мястэчак яно адрозьнiваецца тым, што тут ужо не адно стагоддзе адбываюцца цуды, цуды якiя зьвязаны з абразом ...

Сібіу: некалькі акцэнтаў ІІІ Еўрапейскай Экуменічнай Асамблеі

З 4 па 9 верасьня 2007 году ў горадзе Сібіу (Германштадт) ў Румыніі адбылася ІІІ Еўрапейская Экуменічная Асамблея (ЕЭА). Яе дэвізам сталі словы: “Сьвятло Хрыста прасьвятляе ўсіх – надзея на абнаўленьне і еднасьць ...

Мenologion — каляндар літургічнага ўспаміну сьвятых Усходняй Царквы

Парафія сьв. Мікіты ў Кастамлотах – адзіная на Падляшшы каталіцкая парафія візантыйскага абраду, якая ацалела пасьля Другой усясьветнай вайны ў Польшчы – выпусьціла ў сьвет Menologion, што значыць – «Месяцаслоў». ...

Слова Апостальскага Візітатара БГКЦ на завяршэньне XIII штогадовай Пілігрымкі беларускіх грэка-католікаў

Полацак, 15 ліпеня 2007 г. Дарагія браты і сёстры! 1. Вялікі дзякуй кожнаму з вас, хто сёньня прыйшоў сюды “разам праслаўляць Госпада”. Дзякуй тым з вас, хто ў мінулыя дні ахвярна прайшоў шлях ХІІІ Пілігрымкі беларускіх ...

Біблія ў беларускім перакладзе: праблема высокага стылю

Патрэба Кнiг Старога i Новага Запавету, лiтургiчных тэкстаў, катэхiзiсу, малiтоўнiкаў, багаслоўскiх тэкстаў i iншай рэлiгiйнай лiтаратуры на роднай мове зьяўляецца iстотнай адзнакай духоўнага адраджэньня кожнага народу. ...